Sjey ára gamli Samuel var í fjør stemplaður sum ov trupul at hava á serstovuni í Tórshavnar kommunu. Tí endaði hann fyrr í ár í einari lítlari íbúð einsamallur við tveimum starvsfólkum uttan so mikið sum við einum útiøki til spæl. Eftir situr ein vónsvikin familja, sum flutti av landinum mánaðir, áðrenn tey ætlaðu sær, fyri at geva Samuel betri kor. “Hann versnaði sera nógv hatta síðsta hálva árið í Føroyum. Nú gongur framá”, greiða foreldrini Mirjam Kambsskarð Berg og Aksel Kambsskarð Berg frá úr Danmark. Í hesi greinini siga tey sína søgu og tala at, tí tey halda, at teirra tilgongd var so út av lagi vánalig, at hon ikki má koma fyri aftur.