Í dag koma tveir partar í øðrum umfari av poddvarpsrøðini Gev mær tínar pengar út. Føroyski falsarin er aftur upp á spæl. Hesa ferð hevur hann snýtt fólk bæði í Føroyum og í Danmark, men hættirnir hann svikar uppá, eru heldur øðrvísi enn tað, vit hoyrdu um í fyrsta umfari av somu røð.


Hevur tú ikki hoyrt fyrsta umfar av Gev mær tínar pengar, sum kom út í desember 2022, so viðmæla vit at lurta eftir tí røðini fyrst. Talan er um røð í fimm pørtum, har fleiri fólk greiddu frá, hvussu ein ungur føroyingur svikaði tey fyri túsundtals krónur.

Tá vóru fleiri enn 80 føroyingar snýttir fyri omanfyri 350.000 krónur tilsamans.

Røðin eitur Gev mær tínar pengar og er at finna undir poddvarp.


Nú er sami maður aftur upp á spæl, og hesum hyggja vit nærri at í nýggja umfarinum av Gev mær tínar pengar, har vit aftur hoyra um uttanlandsferðir, sum verða av ongum, men eisini íbúðir í Danmark, sum ikki eru til.

Tveir partar eru komnir út í øðrum umfari hesi nýggju røðini.

Tú finnur bæði Gev mær tínar pengar sesong 1 og sesong 2 á appini og heimasíðuni.