Fyri næstan fýra árum síðani, byrjaðu vit Frihedsbrevet í Føroyum. Vit settu okkum tá fyri at finna útav, um tað man bera til at hava ein miðil, sum í størsta mun fæst við gravandi, kritiskan journalistikk í einum so lítlum samfelagi sum okkara. Spurningurin, um tað ber til, gjørdist ivasamari, tí sjálvvalda treytin fyri okkara virksemi er, at vit taka ikki ímóti lýsingum ella miðlastuðli. Einfalda orsøkin til tað er, at vit vilja ikki gerast bundin av stórum fyritøkum ella politikarum. Vit vilja ikki, at nakar skal kunna revsa okkum, um tey halda okkum vera ov kritisk. Skjótt fylla vit fýra ár, og tí er Operatión 3000 nú sett í gongd!