Tey bæði á Nesi: Gestapo, bygdaslatur og politiskt ódnarveður

Næstu tveir partarnir av nýggja poddvarpinum “Tey bæði á Nesi” eru nú tøkir. Hetta er ein poddvarpsrøð í seks pørtum um eitt dupultlív, har vanlig fólk verða sett í støður, sum gera tey til hetjur ella svíkjarar, og har loyndarmálini gerast ein tyngri byrða enn sjálvt kríggið.

Í triðja og fjórða parti hoyra vit um stríðið hjá Poul Morell Nielsen og Ruth Smith fyri at finna ein gerandisdag mitt í meldrinum av Seinna Heimsbardaga. Tað, sum byrjaði sum eitt bleytt og listafult kærleikslív, broyttist til eina lívshættisliga tilveru, tá Gestapo vendi eyguni móti Morell. Morell varð noyddur at gera av, um hann skuldi seta sítt egna lív, og lívið hjá Ruth í vanda fyri at bjarga einum týskum undiroffiseri undan egnari lagnu.

Tá friðurin loksins kom í mai 1945, væntaðu tey bæði, at tey nú kundu lata fortíðina liggja. Men ófriðarliga tíðarskeiðið eftir kríggið rakti hart. Í staðin fyri frið fylgdi illgrunin um, at Morell hevði verið ov týskaravinarligur, teimum allan vegin til Føroya. Her gjørdist slatur og átrúnaðarligar ósemjur enn ein byrða, sum tyngdi parið.

Meðan Morell stríddist við at finna fótafesti í nýggja heiminum, bardist Ruth ein einsamallan og innara bardaga – hon var fangað millum listina, móðurleiklutin og skyldarkensluna, sum ongantíð slepti takinum.

Poddvarpið finnur tú við at - trýsta her, um tú ert á heimasíðuni. 

Um tú ert á appini, so kanst tú skjótt og lætt leita undir Poddvarp.