Í 1970-árunum ávaraðu fiskifrøðingar um, at ov nógvir trolbátar fingu loyvi til at fiska á føroysku landleiðini. Kortini víðkaði politiska skipanin fiskiskapin. Ein nýggj ph.d.-ritgerð vísir, hvussu føroyskur fiskivinnupolitikkur aftur og aftur hevur havt trupult við at halda fast í avmarkingum, tá ið tær raka vinnulig og sosial áhugamál. Støðan er tann sama í málinum um teir 750 eyka fiskidagarnar til bólk 5B. Munurin er, at hesa ferð kann trýst eisini koma á MSC-góðkenningina av føroyska botnfiskiskapinum.