Sesong 1

• . Tey bæði á Nesi - Brellbiti

  06. july 2025

  Hetta er søgan um Poul Morell Nielsen og Ruth Smith. Hann var arkitekturin, sum gjørdist njósnari í hjartanum á týsku krígsmaskinuni. Hon var listakvinnan, sum stríddist ein innara bardaga, meðan heimsbardagin herjaði uttanfyri.

• 1. Eitt dupultlív tekur skap

  07. july 2025

  Í fyrsta parti av Tey bæði á Nesi byrja vit ferðina inn í eina loyndarfulla søgu um njósnaran Poul Morell Nielsen og listakvinnuna Ruth Smith. Eitt ungt par, førd saman av kríggi og kærleika, stenda brádliga í miðdeplinum av størstu søguligu hendingunum í Evropa. Poul fer úr arkitektastovuni inn í mótstøðurørsluna, meðan Ruth stríðist við listina og innaru demonarnar. Hetta er ein spennandi, søgulig frásøgn við loyniligum njósnaravirksemi, dramatiskum hendingum úr krígnum, og djúpt persónligum lýsingum, har tøknin gevur teimum farnu eina livandi rødd.

• 2. Roykurin úr pípuni

  07. july 2025

  Í øðrum parti av Tey bæði á Nesi verður søgan um Poul Morell Nielsen og Ruth Smith enn meira dramatisk. Poul er nú vorðin virkin njósnari, sum arbeiðir undir álvarsomum trýsti mitt í týsku krígsmaskinuni í Lemvig. Men arbeiðið er ikki vandaleyst. Tað henda feilir, avdúkingar og óttin fyri Gestapo veksur. Samstundis situr Ruth í Keypmannahavn og stríðist við at finna frið í listini, meðan kríggið tekur eitt alt meira óhugnaligt skap. Tá tað bankar óvæntað á hurðina hjá Morell, er spurningurin, um hann kann halda sítt dupultlív dult, ella um hann nú verður noyddur at satsa alt.

• 3. Ein óboðin gestur

  14. july 2025

  Mitt í meldrinum av sabotaguatsóknum og hevndarverkum, stendur Poul Morell brádliga andlit til andlits við einum týskum undiroffiseri, sum krevur hansara hjálp at flýggja undan egnari fortíð. Um Morell ikki vil veita hesa hjálpina, so fer týski offiserurin at avdúka alt. Men Gestapo hevur longu sett siktið á Poul, og nú hongur lívið hjá honum og Ruth í einum tógva, sum hvørja løtu kann slitna.

• 4. Slatrið og sálarstríðið

  14. july 2025

  Tá friðurin endiliga kom til Danmark í mai 1945, væntaðu Poul og Ruth, at tað ringasta nú var av. Men tað politiska og rættarliga eftirlspæla aftaná kríggið rakar hart. Undir illgruna fyri samstarv við týskararnir, royna tey at skapa sær eitt nýtt lív í Føroyum.  Men Føroyar bjóða hvørki frið ella friðskjól. Politiskur ófriður, bygdaslatur og innara stríðið hjá Ruth sum listakvinnu og mammu elvir til, at parið alsamt tyngist undir byrðuni av eini fortíð, sum ikki vil sleppa takinum.

• 5. Ein kvinna millum tveir heimar

  20. july 2025

  Fimti partur snýr seg um ta seinstu og strævnu tíðina hjá Ruth Smith í Føroyum, har trýstið frá fortíðini, serliga tann átrúnaðarliga byrðan frá mammuni, sum flytir inn í húsið á Nesi í 1952, tyngir sálarligar støðuna hjá Ruth. Hon stríðist við at sameina stranga, fundamentalistiska heimin hjá mammuni við sín egna frælsa og listarliga heim. Poul Morell Nielsen er tann einasti, ið fult og heilt stuðlar og viðurkennir Ruth sum listakvinnu, men hennara innaru stríð verða ov stór. Parturin endar sorgarleikliga við, at Ruth Smith druknaði í mai 1958, bert 45 ára gomul. Hon letur eftir seg eitt ómetaligt listarligt arv, men eisini eitt tómrúm hjá Morell og teirra tveimum synum.

• 6. Skjaldbøkan kemur undan kavi

  20. july 2025

  Í sætti og seinasta parti situr Poul Morell Nielsen eftir sum einkjumaður við tveimum smádrongunum. Samstundis fer listin hjá Ruth at liva sítt egna lív og fær posthuma viðurkenning, bæði í Danmark og Føroyum, við stórum framsýningum. Níggju ár aftaná, at Ruth Smith doyði, í 1967, flytir Poul Morell aftur til Lemvig í Danmark. Her livir hann eitt friðaligt lív sum arkitektur, inntil søgufrøðingurin Bent Anthonisen í november 1989 alment eftirlýsir tann loyniliga njósnaran við skjaldbøkuni og pípuni. Morell avdúkar seg sjálvan sum "Skjaldbøkunjósnaran", men vísir stórt eyðmjúkleiki og vil ikki gerast ein hetja. Hann heldur fast við, at hann bert var ein heppin amatør, og at hansara avrik ikki áttu at verða glorifiserað.