Sesong 1

• 1. Sjórænarar ella mótmælisfólk?

  01. december 2024

  Hvat fært tú, tá ið tú blandar eitt mótmæli, eitt gamalt skip og eitt borð á Maggies? Ein søgu, sum er líka so løgin sum hon er forvitnislig! Í fyrsta parti av Sjórænararnir í Nólsoy fylgja vit fimm sjórænarum – nei, vit meina nólsoyingum – sum endaðu mitt í eini rættarsak, tí teir hildu Ternuna bundna í fleiri tímar. Við eitt sindur av larmi, góðum barrpráti og einum trekk av drama, kanna vit, hví hesir menn valdu at skipa eitt móttmæli móti strandferðsluna, og hvussu tað førdi til hetta margháttliga málið. Set teg væl til rættis – hetta er byrjanin til eina søgu, sum tú uttan iva vil hoyra!

• 2. Ternan, traktorurin og tross

  07. december 2024

  Hvat hendi tann dagin, tá Ternan var meira bundin enn nakrantíð? Í øðrum parti av Sjórænararnir í Nólsoy verður klokkan spolað aftur til 1. september 2019, tá ein kei, ein traktorur og eitt áhaldandi mótmæli settu ferðasambandið á pausu. Fimm ákærdir nólsoyingar greiða frá teirra leikluti – meðan myndugleikarnir hava heilt aðra søgu at fortelja. Við ljóðbrotum og avdúkingum verður søgan meira loyndarfull, og spurningurin um, hvør veruliga tók avgerðina um at sleppa Ternuni leysari, heldur fram. Hetta er søgan um nólsoyingar, sum bundu ein knút og skrivaðu skipssøgu!

• 3. Thi kendes for ret

  04. december 2024

  Nú verður tað álvarsamt – ella? Í triðja parti av Sjórænararnir í Nólsoy hugsavna teir fimm ákærdu seg um dagarnar í Føroya rætti, men hóast teir flenna og gera gjøldur, so hongur spurningurin um ein møguligan dóm, í luftini. Við samrøðum, bæði endurskaptar og veruligar, verður poddvarpið hetta seinasta strekkið bæði skemtiligt og spennandi. Hvar enda sjórænararnir? Í Mjørkadali, á keiini, ella fríir sum fuglarnir í Nólsoyarfjøllum? 

• 4. Fimm ár og fimm mánaðir seinni

  04. february 2025

  Eftir trimum pørtum eru vit nú komin til tær seinastu stundirnar, tá sjórænararnir – ella sokallaðu mótmælisfólkini – skulu fáa dóm. Vit fylgja teimum fimm nólsoyingunum - kringsettir av miðlum og áhoyrarum endar søgan við einum dómara, sum tekur eina avgerð, ið ongin heilt væntaði. Var tað bara skemt, ella verður hetta veruliga revsað? Set teg væl til rættis, tí hetta er, vónandi, síðsti partur av Sjórænarunum í Nólsoy, har vit avdúka sannleikan um eitt mál, ið ongin man gloyma.