Leigunevndin hevur kolldømt eina leiguhækking, sum Bústaðir gjørdi í summar. Bústaðir hevur tó vent sær til Leigunevndina eina ferð afturat við eini áheitan um at viðgera málið umaftur. Verður avgerðin standandi, kann tað fáa avleiðingar framyvir fyri øll 700 leigumálini hjá Bústøðum. “So mugu vit umskipa alt arbeiðið við leiguni í mun til framtíðar hækkingar, og tað krevur nógv meira umsiting frá okkara síðu”, sigur Jógvan Ósá, stjóri í Bústøðum